پشتى كو ، شانده‌ك ب نوینه‌رایه‌تیا پارێزگه‌ها دهۆكێ پشكدار بوى، د كونگرێ سالانه‌ یێ سه‌ركردێن ناڤخوى و جیهانێ بو بده‌ستڤه‌هتنا خه‌لاتێ ئاشتى و پێكڤه‌ ژیانێ، كو ل سه‌ر ئاستێ جیهانێ ژلایێ رابیتا ئاڤاكرنا شیانێن ناڤخوى یا هوله‌ندى كو ل ژێریا ئه‌فریقیا برێڤه‌ دچو.

پارێزگه‌ها دهۆكێ ل سه‌ر ئاستێ جیهانێ كو (35) پارێزگه‌هێن دیتر پشكدار بوون دهوك وه‌كه‌ ئێكه‌م هات هه‌لبژارتن وه‌كه‌ پارێزگه‌ها ئاشتى و پێكڤه‌ ژیانێ، سالم سه‌عید، په‌یڤدارێ بوردێ كاروبارێن مرۆڤایه‌تى ل دهوكێ د داخویانیه‌كێ دا گوت: "ل رێكه‌فتى 11/11/2019 شانده‌كێ بوردێ كاروبارێن مرۆڤایه‌تى ب نوینه‌رایه‌تیا پارێزگه‌ها دهوكێ قه‌ستا ژێریا ئه‌فریقیا كربو ژ بوى پشكداریكرن و هه‌ڤكریكرن ل سه‌ر بده‌ستڤه‌هاتنا ناسناڤێ خه‌لاتێ سالێ یێ باژێرێ ئاشتى و پێكڤه‌ ژیانێ كو بو ده‌مێ (8) رۆژان به‌رده‌وام بو ، و ب دلخوشى ڤه‌ دهوكێ خه‌لاتێ ئێكێ مسوگه‌ر كر".

هه‌مان په‌یڤدارى ئه‌و چه‌نده‌ ژى گوت: "ژ به‌ر كو دهوك وه‌كه‌ باژێرێ پێكڤه‌ ژیانێ دهێته‌ دیتن و نیاسین و سه‌رێ چه‌ندین سالانه‌ هزاران ئاواره‌ و په‌نابه‌ر ل دهوكێ ژیانا خو ب سه‌ر دبه‌ن ، دیسان دهوك ب هه‌مو رویه‌كێ ڤه‌ د خزمه‌تا وان ئاواره‌ و په‌نابه‌ران دا یه‌ و ئه‌ڤ چه‌نده‌ بو ئه‌گه‌ر كو دهوك ل سه‌ر ئاستێ (35) پارێزگه‌هێن جیهانێ خه‌لاتێ ئێكێ یێ باژێرێ ئاشتى و پێكڤه‌ ژیانێ ب ده‌ست خوڤه‌ بینیت و بێگومان ئه‌ڤ خه‌لاته‌ مێژوویه‌كا دیتره‌ بو هه‌رێما كوردستانێ".

ناڤبرى ئه‌و چه‌نده‌ ژى دوپاتكر: "هه‌مو جیهانێ زانى كو هه‌رێما كوردستانێ لاندكا ڤه‌حه‌واندنا ئاواره‌ و په‌نابه‌را یه‌ له‌روا ئه‌ڤرۆ ل سه‌ر ئاستێ هه‌مو جیهانێ پارێزگه‌ها دهوكێ وه‌كه‌ پارێزگه‌هه‌كا هه‌رێما كوردستانێ خه‌لاتێ ئێكێ ب ده‌ست خوڤه‌ ئینا".











باسنيوز