گەنجێکی شۆفێری بارهەڵگر لە چیای کورتەک لە سنووری شارۆچکەی پشدەر، لەلایەن چەکدارانی پارتی کرێکارانی کوردستان (پەکەکە)وە دەستگیر کرا.

ئەو گەنجە ئێوارەی دوێنێ لە چیای کورتەک لەلایەن هێزێکی چەکدارانی پەکەکەوە دەستگیر کراوە و بۆ ناوچەیەکی نەزانراو لە قەندیل گواستراوەتەوە.

لەمبارەیەوە هیوا گه‌یلانی، به‌رپرسی لقی ١١ی راپه‌رینی پارتی دیموکراتی کوردستان، ڕاگەیاند: ”ئه‌و گه‌نجه‌ خه‌ڵکی ده‌ڤه‌ره‌که‌یه‌ و تائیستاش چار‌ه‌نووسی نادیارە“.

روونیشی کردەوە کە خزمەکانی ئەو گەنجە گوتوویانە، چەکدارانی پەکەکە داوای باجیان لێی کردووە، بەڵام ئەو گەنجە ڕەتی کردووەتەوە باجیان پێ بدات، بۆیە دەستگیریان کردووە و دواتر ڕفاندوویانە.

گەنجە ڕفێندراوەکە ناوی (شوان نەبی کاکەبرا)یە، خەڵکی شارەدێی سەنگەسەرە و خێزاندارە.












باسنيوز