بەڕێوەبەرایەتیی خۆسەر رایدەگەیێنێت، نەبوونی نوێنەرایەتیمان لە لیژنەی نووسینەوەی دەستووری سووریا نکۆڵیکردنی مافی زیاتر لە پێنج ملیۆنی هاووڵاتی سوورییە و داوا لە جیهان دەکەین لە نکۆڵیکردن لە مافی کورد هەڵوێستی هەبێت.

ئەمڕۆ (دووشەممە 28-10-2019) بەڕێوەبەرایەتیی خۆسەر راگەیێندراوێکی بڵاوکردەوە و تێیدا هاتووە "هێرشی تورکیا کۆمەڵکوژیکردنی گەلی کورد و پێکهاتەکانی دیکەی سووریایە و پەراوێزخستنمان خزمەت بە چارەسەری دیموکراسییانەی سووریا ناکات".

بەڕێوەبەرایەتیی خۆسەر پابەندبوونی خۆیان بە سووریایەکی یەکگرتوو دووپاتدەکەنەوە و داوا لە جیهان دەکەن هەڵوێستی هەبێت لە نکۆڵیکردن لە مافی گەلی کورد و سەرجەم پێکهاتەکان.