سابیر دری، فۆتۆگرافەرێكی دەڤەری سۆران، دوای ئەوەی لە هیندستان بەشداری لە پێشبڕكێیەكی نێودەوڵەتی كرد، بە یەكێك لە 10 فۆتۆگرافەكانی ئاسیا دەستنیشان كرا.

سابیر دری لەمبارەوە ڕاگەیاند: "بەشداریم لە پێشبڕكێیەكی نێودەوڵەتی لە هندستان كرد كە تێیدا بە سەدان فۆتۆگرافەر بەشدارییان كردبوو و توانیم ببم بە یەكێك لە 10 باشترین فوتۆگرافەرەکانی ئاسیا و رێزبەندی شەشەم تۆمار بكەم".

ڕاشی گەیاند: "مەرجی بەشداربوون لەم پێشبڕكێیە ئەوە بوو كە پێویستە فۆتۆگرافەكان دانیشتووی كیشوەری ئاسیا بن ، ئەو وێنانەش كە دەیگرن وێنەی ئاژەڵی كێوی بن".

(سابیر دری) گوتیشی: "توانیم لەم پێشبڕكێیەدا خەڵاتی سانكچواری ئاسیا بەدەست بیهێنم كە خەڵاتێكە لەسەر ئاستی كیشوەری ئاسیا ناوبانگێكی زۆری هەیە و بڕیاریش وایە لە ڕێڕەسمێكی گەورەدا لە مانگی دوازدە ئەو خەڵاتە نێودەوڵەتییەمان لە شاری مۆمبای پێ بدرێت".













باسنیوز