پێنج ژنە چەکداری رێکخراوی تیرۆریستی داعش هەوڵی هەڵاتن بۆ عێراق دەدەن و دەستگیر دەکرێن.

میدیاکانی نزیک لە پارتی کرێکارانی کوردستان (پەکەکە) بڵاویان کردووەتەوە، کە پێنج ژنەکە خەڵکی وڵاتانی ئەڵمانیا، تورکیا و ئۆزبەکستانن و ویستوویانە لەگەڵ 18 منداڵ، لە کەمپی هۆل هەڵبێن.

ئەو ژنو منداڵانە دوای رزگارکردنەوەی ناوچە داگیرکراوەکان لەلایەن هێزەکانی سووریای دیموکراتی (هەسەدە) دەستگیر کران و لە کەمپی هۆل بە چاودێریی هێزە ئەمریکییەکان، نیشتەجێ کراون.

هەسەدە چەندین جار داوای لە وڵاتان کردووە چەکدار و ژن و منداڵە داعشەکانی خۆیان وەربگرنەوە، بەڵام تا ئێستا ئەو وڵاتانە وەریان نەگرتوونەتەوە.

ژنەکاان ویستوویانە لە کەمپەکە هەڵبێن و بەرەو عێراق بڕۆن، بەڵام لەلایەن هێزەکانی هەسەدەوە دەستگیر کراون و گەڕێندراونەتەوە کەمپەکە.










باسنيوز