نوونەرا كوردێن ئێزدی ل جڤاتا نوونەرێن عێراقی دیاركر كو ڤەگوهاستنا تیرۆرستێن داعش ژ سوریا بۆ مووسل مەترسیەكا مەزن ل سەر ژیانا پێكهاتیێن نەینەوا دروست دكەت، بتایبەتی ژی ل سەر ئێزدیان".

خالیدە خەلیل، نوونەرا كوردێن ئێزدی ل جڤاتا نوونەرێن عێراقی دیار كر: "نها بەحسەك هەیە چەكدارێن تیرۆرستێن داعش یێن دەڤەرا مووسل رەڤینە سوریا جارەكا دێ‌ بۆ مووسل بهێنە ڤەگوهاستن ل مووسل بهێنە دادگەهكرن ئەم دبینن ئەڤە دێ‌ زیانەكا مەزن گەهینتە مووسل بتایبەتی ژی پێكهاتیێن ئاینی ونەتەویێ‌ یێن مووسل وەكو ئێزدیان ومەسیحیان و شەبەك چونكو سالا 2014ێ‌ وان چەكدارێن داعش هەموو كارێن هوڤانە دژی پێكهاتان ئەنجام دەن هەكە نها بۆ مووسل بهێنە ڤەگوهاستن ژی مووسل ئەو شیانێن نینن بباشیی پاراستنا وان بكەت دناڤ زیندانێدا، رەنگە ئەڤ چەكدارێن داعش ب رەڤن و جارەكا دێ‌ كریارێن تیرۆری ئەنجام بدەن".

خۆیا ژی كر: "ئەم وەكو پەرلەمانتارێن مووسل ب هیچ شێوەیەكێ‌ رازی نابن دناڤ پەرلەمانێ‌ عێراقی دا كار بۆ ڤەگوهاستنا چەكدارێن داعش ژ سوریا بۆ مووسل بهێتە كرن، چونكو راستی ژی ئەڤە كارەكێ‌ مەترسیدارە ل سەر ژیانا وەلاتیان و چوو گەرەنتیی بۆ پاراستنا تیرۆرستان دناڤ زێندانێدا نینە رەنگە ب رەڤن".













باسنيوز