سەرۆكێ‌ جڤاتا قەزا شنگال دیار كر هەكە بەغدا دروستاهی‌ پشتەڤانیێ‌ ل ئیدارا نەشەرعی یا شنگال بكەت دێ‌ فەرمانێن دەستبكاربوونێ‌ ب فەرمی‌ بۆ وان هێنە دەرئێخستن هەكە بەغدا یا رژد بە دێ چار رۆژاندا ئەمرێن ئیداری یێن ئیدارا نەشەرعی دەرئێخت. هەتا نۆكە ئیدارا نەشەرعی یا بێ‌ ئەمرێن ئیداری یە.

وەیس نایف، سەرۆكێ‌ جڤاتا قەزا شنگال دیار كر: "راستە نۆكە ئیدارا شەرعی دناڤ سەنتەرێ‌ شنگالێ‌ دا نینە لێ‌ هیچ كارەكی ئیدارا نەشەرعی دناڤ شنگالێ‌ دا بخوە دا ناهێتە رێڤەبرن بتایبەتی ژی هەكە نڤیسارەكا ئیمزا ئیدارا نەشەرعی لسەر بیت ناهێتە رێڤەبرن ب هیچ رەنگەكێ‌ ل هەموو جه و دەڤەران. ئەڤە وێ‌ دگەهینت نەشێن شەرعیەتێ وەربگرن. بەلگە ژی لسەر ڤێ چەندێ هەتا نۆكە لسەر تەوەرێن خزمەتگوزاری و ئیداری ژی ئیمزایێن ئیدارا نەشەرعی ناهێتە رێڤەبرن ئەڤە چ پشتەڤانیا بەغدا ل ئیدارا نەشەرعی دكەت دبێ‌ پشتەڤانن بتنێ كارێن سیاسی دكەن".

خویا ژی كر: "هەموو نڤیسارهەتا ژی ناسنامەیێن ئیداری ژ شنگال بۆ مە دهێنە بارەگایێ بەدیل ل ناحیا فەیدیێ‌ ئەم ئیمزا دكەن وان هیچ دەستهەلاتەك یا ئیمزاكرنا نڤیسارێن فەرمی دگەل بەغدا نینە".









باسنيوز