سه‌رۆكی هاوبه‌ندی كلدانه‌كان له‌ عێراق و جیهان، سه‌فا سه‌باح هندی، به‌ ناوی كلدانه‌‌كانی عێراق و جیهانه‌وه‌ په‌یامێكی پیرۆزبایی ئاراسته‌ی مه‌سرور بارزانی، سه‌رۆكی حكوومه‌تی هه‌رێمی كوردستان كرد.

له‌ په‌یامه‌كه‌دا هاتووه‌: به‌ ناوی خۆم و سه‌رجه‌م ئه‌ندامانی هاوبه‌ندی كلدانی له‌ عێراق و جیهان جوانترین پیرۆزباییتان ئاراسته‌ ده‌كه‌ین بۆ وه‌رگرتنی متمانه‌ له‌ په‌رله‌مانی هه‌رێمی كوردستان و وه‌رگرتنی پۆستی سه‌رۆكی ئه‌نجوومه‌نی وه‌زیرانی حكوومه‌تی هه‌رێمی كوردستانی عێراق.

هه‌روه‌ها هاتووه‌: دڵنیاین و متمانه‌یه‌كی زۆرمان به‌ توانای گه‌نجانه‌ و شاره‌زایی فراوانتان هه‌یه. هیوای سه‌ركه‌وتنتان بۆ ده‌خوازین له‌و ئه‌ركه‌ی پێتان سپێردراوه‌. له‌ پێناو داهاتووییه‌كی باشتر بۆ هه‌رێمی كوردستان و گه‌له‌كه‌ی و به‌دیهێنانی خواست و ئاواتی گه‌لی كریستیانی ئێمه‌ به‌ گشتیی و گه‌لی كلدان به‌ تایبه‌ت له‌ پاڵ هه‌موو براكانیان له‌ پێكهاته‌كانی دیكه‌ی هه‌رێمی كوردستان. هه‌روه‌ها هیوادارین په‌یوه‌ندییه‌كی به‌رهه‌مدارتان له‌گه‌ڵ حكوومه‌تی به‌غدا هه‌بێت بۆ بنیاتنانی عێراقی گه‌شاوه‌ و دیموكراتیی.

k24 -