چالاکڤان و هەڤوەڵاتیێن پارێزگەها دهۆکێ دبێژن، مە باوەری هەیە کابینا نووی یا حکومەتا هەرێما کوردستانێ دێ بیتە ئەگەر کو ژین و ژیارا خەلکێ کوردستانێ و ب تایبەت پارێزگەها دهۆکێ باشتر بیت.

ئەڤرۆ، چارشەمبووێ، (١٠-٧-٢٠١٩)ـێ، پەرلەمانی کوردستانێ باوەری ب کابینەیا نوی یا حکومەتا هەرێما کوردستانێ ب سەرۆکاتیا مەسروور بارزانی دا.

هەر دڤی بیاڤی ژی دا خەلەف شەرەفانی چالاکڤانێ سیاسی، ددەتە خویاکرن، ژ سەربۆر و دیرۆکا پر سەروەریا مەسروور بارزانی یە دیارە کو دێ ببیتە ئەگەر کو شەفافیەت د هەمی بیاڤانێن وەڵاتی دا هێتە کرن، و گۆتارا مەسروور بارزانی باشترین بەلگەیە کو دێ بیتە ئەگەر خەلکێ باوری ب حکومەتا نوی هەبیت.

شەرەفانی دبێژیت، ژبەرکوو ئەڤ حکومەتە یا فرە ئاین و فرە نەتەوەیە دێ بیتە هۆکار جیهانا ژ دەرڤە ژی ب چاڤەکی مەزن تەماشەی حکومەتا نوی بکەت.

ژ ئالییەکی دی ڤە، مللەت عسمەت چالاکڤان، دبێژیت، نها چەندین پرۆژە ل دهۆکێ هەلاویستی ماینە مە باوریی بە مەسروور بارزانی هەیە، کو ئەڤان پرۆژەیان جێ بە چی بکەت.

ناڤهاتی دیارژی کر، ب جیهئینانا ڤان پرۆژان دێ بیتە هۆکار بۆ ڤەژاندنا هەموو بیاڤان ل سەرانسەری کوردستانێ دێ بیتە پاڵپشت بۆ ئابوورییەکا بهێز د کوردستانەکا بهێز دا.

هەروەسان مەسعوود محەمەد، ژی هاوڵاتییەکی دی پاریزگەها دهۆکێ یە، دبێژیت، هیڤیدارین ژ مەسروور بارزانی خزمەتا زێدەتر ب گەنج و لاوان بکەت ژبەرکوو ئەو بڕبرا پشتێ یا وەڵاتانە.

ئەو دبێژیت :'' ئێکگرتنا لایەنان و ژبۆ کو هەموو ئالی پێکڤە خزمەتا گەل و وەڵاتێ خۆ بکەت پێنگاڤەکا باشە و هەروەسان ئۆپۆزسیۆن ژی چاڤدیڕیەکا باش بکەت، دێ وەڵاتێ مە ژ هەموو ئالییەکی ڤە پێشکەڤیت.

kdp -