سەرۆكی لێژنەی ناوچە كوردستانییەكانی دەرەوەی هەرێم ڕایگەیاند، ڕۆژی پێنجشەممە وەفدێكی پەرلەمانی كوردستان سەردانی ناوچەكانی شنگاڵ و مەخموور دەكات.



جوان یونس ڕۆژبەیانی، سەرۆكی لێژنەی ناوچە كوردستانییەكانی دەرەوەی ئیدارەی هەرێم لە پەرلەمانی كوردستان، بە ماڵپەڕی فەرمیی پارتی دیموكراتی كوردستانی ڕاگەیاند: "بە مەبەستی لە نزیكەوە ئاگاداربوون لە كێشە و گیروگرفتەكانیان و ئەو زیانەی بەریان كەوتووە، شاندێكی پەرلەمانی كوردستان سەردانی شنگاڵ و مەخموور و نووسینگەی پەرلەمانی كوردستان لە قەرەهەنجیر لەبری شاری كەركووك دەكات."



جوان یونس ڕایشیگەیاند: "ئەنجامی سەردانەكە بە داتا و زانیاری وردەوە لە ڕاپۆرتێكدا كۆ دەكەینەوە و دوای پێكهێنانی حكوومەتی هەرێمی كوردستانیش سەردانی بەغدا دەكەین بۆ گەیاندنی پەیامی هاووڵاتییانی شنگاڵ و كەركووك و مەخموور بە دەسەڵاتدارانی بەغدا بە مەبەستی ئاساییكردنەوەی ژیان و گوزەرانی دانیشتووانی ناوچەكە."




kdp -