ئاگره‌كێ مه‌زن ب ده‌وروبه‌رێن شنگالێ دكه‌ڤیت و ژ ئه‌گه‌رێ ڤى ئاگرى سه‌ربازگه‌هه‌كا سۆپایێ عیراقێ و شه‌ش گۆندێن شنگالێ ژى هاتینه‌ سۆتن.


ژێده‌ره‌كى ژ ناڤا قه‌زا شنگالێ دیار كر، ئه‌ڤرۆ رۆژا ئه‌ینى ژ نشكه‌كێ ڤه‌ ئاگربوویه‌ ده‌وروبه‌رى قه‌زا شنگالێ و ئه‌ڤ ئاگر بوویه‌ ئه‌گه‌ر كو شه‌ش گۆندێن ده‌روبه‌رى شنگال هاتینه‌ سۆتن، لێ خۆشبه‌خاته‌ ئه‌و گۆند هه‌موو د ڤالانه‌ و چو مرۆڤ تێدا ناژین، هه‌روه‌سا سه‌ربازگه‌هه‌كا مه‌زن یا سۆپایێ عیراقێ كه‌فتیه‌ به‌ر ڤى ئاگرى و هاتیه‌ سۆتن.


ئاشكرا ژى كر كو د ماوێ ڤێ هه‌یڤێ دا نێزیكى 37 هزار دۆنه‌مێن ئه‌ردێ شنگالێ هاتینه‌ سۆتن و هه‌شت گۆرێن ب كۆمى د ڤان روودانان دا سۆتینه‌ و ب ڤان سه‌ده‌مان ژى سێ جۆتیارێن شنگال گیانێ خوه‌ ژ ده‌ست دایه‌.