ئەمڕۆ بە چاودێری یونامی لە بەغدا ده‌ستكرایه‌وه‌ به‌ کۆبوونەوەکانی لیژنەی ئاسایکردنەوەی کەرکووک.

له‌و باره‌یه‌وه‌ خالید شوانی، ئه‌ندامی لیژنه‌ی ئاساییكردنه‌وه‌ی كه‌ركووك، رایگه‌یاند، زیاتر لە سێ مانگە بە چاودێری یونامی و بە هەماهەنگی لەگەڵ حکومەتی عێراقدا و بە ئامادبوونی نوێنەری پارتی دیموکراتی كوردستانیش زنجیرەیەک کۆبونەوەمان ئەنجامداوە.

گوتیشی: ئامانج له‌و كۆبوونه‌وانه‌ بۆ ئاساییکردنەوە و چارەسەری باردۆخی سه‌ربازی، ئەمنی، ئیداری و کێشەی زەوییه‌ کشتوکاڵییه‌کانی کەرکووكه‌.

سه‌باره‌ت به‌ ئه‌نجامی كۆبوونه‌وه‌كانیش خالید شوانی رایگه‌یاند، کۆبوونەوەکان هەنگاوی گرنگیان بڕیوە بە تایبەتی لە مەلەفی عەسکەری وئەمنیدا و گەیشتوونه‌تە قۆناغی بڕیار دان.

k24-