دھۆک.. کۆمپانیەکا پترۆلێ جادەیێن ناحیا ئەترووش قێردکەت
سالم عەزیز بەرەکات، سەرۆکێ باژێرڤانیا ئەترووش دیار کر، چەندین سالە رێکا سەرەکی یا ناحیا ئەترووش ھەموو ببوو تەسە و کەندو و کور و گەلەک گازندە ل سەر ھەبووینە، بەلێ ژ بەر قەیرانا کار تێدا نەھاتبوو کرن، لێ نھا ب پشتەڤانیا دراڤی یا کۆمپانیا پترۆلێ (HKN) و رێڤەبەریا گشتیا رێک و پرا و ب ھەڤکاری و سەرپەرستیا سەرۆکاتیا باژێرڤانیا ئەترووش، ئەڤ رێکە ژ زالگەھا ئەترووش ھەتا گۆندێ نسرا و رۆبەتکا ب درێژاھیا 35 کیلۆمەتران دھێتە قێرکرن و ب کۆژمێ 700 ھزار دۆلاران.
ئاشکرا ژی کر کو رۆژانە نێزیکی 140 ترۆمبێلێن تانکەر و بارھەلگر ھاتن و چوونێ ل سەر ڤێ رێیێ دکەن و نھا دەست ب قێرکرنا ڤێ جادێ ھاتیە کرن و ئەم ب ژڤانین د ماوێ 10 رۆژان دا ڤێ جادێ ب دووماھی بینین.
باسنيوز
