كانی ماسێ.. ژبەر فرۆكێن توركیا وەلاتیان ئاژەلێن خوە ژ گوندان ڤەكێشان
سەربەست ئاكرەیی، رێڤەبەرێ ناحیا كانی ماسێ دیار كر: "دڤێ حەڤیتی دا 25 جاران سنۆری دەڤەرا كانی ماسێ ب بەهانەیا هەبوونا بنگەه وبارەگایێن پەكەكێ هاتیە تۆپبارانكرن ژلایێ فرۆكەیێن شەركەرێن دەولەتا توركیا ڤە. ئەڤە بوویە ئەگەر زیان بگەهتە 500 دونمێن باغ وبستانێن وەلاتیان. ل شەڤا بۆریدا ژی دەڤەرا بێدەهێ هاتیە تۆپبارانكرن و ژبەر تۆپبارانكرنا فرۆكەیێن توركیا ئاگر بەربوویە دارستانێ گۆندی چەلەكێ. راستی ژی ژبەر تۆپبارانێ زۆر ترس بۆ خەلكێ دروستبوویە".
خویا ژی كر:" ئەو كەسێن كارێن چاندنی و خودانكرنا ئاژەلی ل گوندێن سەر ناحیا كانی ماسێ ڤە دكرن ژبەر تۆپبارانێ هەموو ژ گوندان زڤرینە. هەتا وەلاتیان ئاژەلێن خوە ژی ژ وان گوند وجه ڤەكێشان، یێن دهێنە تۆپبارانكرن".
باسنيوز
