رێڤەبەرێ‌ گشتی یێ‌ ساخلەمیا پارێزگەها دهۆكێ‌ دیار كر بۆ جارا ئێكێ ل قەزا ئامێدی‌ پرۆژێ شووشتنا گولچیسكا هاتە ڤەكرن. ئێدی نەخۆش ژ ئامێدی قەستا دهۆكێ‌ ناكەن دێ‌ ل ئامێدی خزمەتا وان هێتە كرن.

د. نزار عسمەت تەیب، رێڤەبەرێ‌ گشتی یێ‌ ساخلەمیا پارێزگەها دهۆكێ‌ دیاركر:" پرۆژێ شووشتنا گولچیسكا گەلەك دفەر بوون بۆ قەزا ئامێدی. چەندین سالە خەلكێ ئامێدیێ‌ داخواز دكەن. ئەڤرۆ 8/4/2019 مە شیا پرۆژێ شووشتنا گولچیسكا ل قەزا ئامێدی ڤەكەن وبكەڤتە دخزمەتا نەخۆشان دا. هەر ئەڤرۆكە دێ‌ نەخۆش تێدا هێنە چارەسەركرن. دێ‌ بەردەوام بن ل سەر گەهاندنا خزمەتێن تەندروستی بۆ ئامێدی ل گۆری شیانان ئەو پرۆژەیێن نەین دێ‌ كار كەین بهێنە بجه ئینان وپرۆژێ هەین ژی دێ‌ هەولدەن پتر بەرەڤ پیشڤەببەین".

خویا ژی كر:" ئەڤ پرۆژە ئەڤرۆكە هاتیە ڤەكرن یێ‌ پێكهاتیە ژ چار یەكا بۆ نەحۆشێن گولچیسكا دگەل یەكا ئاڤێ. بەردەوامیا ڤی كاری دێ‌ دگەل سەنتەرێ گولچیسكا بیت ل پارێزگەها دهۆكێ‌ داكو چوو جاران كار نەهێتە راوەستاندن وبەردەوامی پێ‌ بهێتە دان ونەخۆش پێدڤی نەبن ژ ئامێدی قەستا دهۆكێ‌ بكەن".











باسنيوز