ڕۆژنامەیەكی بەناوبانگی عەرەبی راپۆرتێكی بڵاوكردووەتەوە لەسەر خەرجی پارەی شاندكردنی پەرپرسان بۆ دەرەوە ولآت، لە زاری چەند بەرپرسێكی وەزارەتی دارایی ئاشكرای كردووە، عێراق ساڵانە نزیكەی 30 ملیۆن دۆلار لەم بارەیەوە خەرج دەكات.

رۆژنامەی (عەرەبی جدید) نووسیویەتی: "عێراق یەكێكە لەو وڵاتانەی كە لە ناوچەكە زۆرترین پارە لە شاندکردنی بەرپرسان بۆ دەرەوەی وڵات خەرج دەكات، کە ساڵانە دەگاتە 30 ملیۆن دۆلار".

بە هۆی خەرجكردنی ئەو پارە زۆرەش لە ئێستا هەندێك لە كوتلەكانی ناو پەرلەمانی عێراق بە نیازن پرۆژە یاسایەك بۆ ئەو مەبەست ئامادە بكەن و سنوورێك دابنرێت بۆ دیاریكردنی بڕە پارەیەك بۆ خەرج كردنی شاندی بەرپرسان.

بە پێی ئامارێك كە لەو رۆژنامەیە بڵاوكراوەتەوە لە عێراق مانگانە 20 شاند لەسەر ئاستی باڵا شاند دەكرێن، هەر شاندێكیش لە 10 كەس كەمتر نین.











باسنيوز