دواى كۆبوونه‌وەکەی نێوانیان، هه‌ريه‌ك له‌ سه‌رۆك بارزانى و ریک پێری، وه‌زيرى وزه‌ى ئه‌مه‌ريكا كۆنگره‌يه‌كى رۆژنامه‌وانيان ئه‌نجامدا.

سەرەتا لە کۆنگرە ڕۆژنامەوانییەکەدا، سەرۆک بارزانی رای گەیاند: "لەگەڵ وەزیری وزەی ئەمریکا پەیوەندییەکانی نێوان کوردستان و ئەمریکامان تاوتوێکرد و کۆمەڵێک بابەتی گرنگمان باسکرد".

لای خۆیەوە، ریک پێری، ڕای گەیاند: "زۆر سوپاسی میواندارییەکەی سەرۆک بارزانی دەکەم، و سوپاس بۆ ئەو سەقامگیرییەی لە کوردستان هێناویەتییە ئاراوە".

وەزیرەکەی ئەمریکا گوتیشی: "كۆبوونه‌وه‌یه‌كى زۆر گرنگ و بەرهەمدارمان ئه‌نجام دا و ڕێككه‌وتنى نێوان هه‌رێم و به‌غدا به‌ گرنگ ده‌زانین".

ریک پێری ڕاشی گەیاند: "دڵخۆشین بەو سەقامگیر و ئاسایشەی کە لەهەرێمی کوردستاندا هەیە و ئەمە وامان لێدەکان کە له‌گه‌ڵ هه‌رێمی کوردستان كارى زیاتر بكه‌ین".

دوای نیوەڕۆی ئەمڕۆ، سێشەممە 11/12/2018، جەیمس ریچارد پێری ناسراو بە ڕیک پێری، وەزیری وزەی ئەمریکا، دوای سەردانەکەی بۆ بەغدا گەیشتە شاری هەولێر و لەلایەن سەرۆک بارزانییەوە پێشوازی لێکرا.

جەیمس ریچارد پێری ناسراو بە رێک پێری، وەزیری وزەی ئەمەریکا و پێشتر 47 هەمین پارێزگاری ویلایەتی تێکساس بووە و لە ساڵانی 2000 بۆ 2015 وەک پارێزگار خزمەتی کردووە.










باسنيوز