فەلاح حەسەن ئەو لاوە کوردەی پۆستی جێگری سەرۆکی لاوانی پارتە دیموکراتەکانی جیھانی وەرگرت و ھاوکات نوێنەری دەرەوەی لاوانی پارتی دیموکراتی کوردستانیشە، لەلایەن سکرتێری گشتی پارتە دیموکراتەکانی جیھان (کریستیان كارتنەر) پیرۆزبایی لێکرا بەبۆنەی ھەڵبژاردنی وەکو نوێنەری لاوانی پارتە دیموکراتەکانی جیھان بۆ بەشداریکردن لە کۆنگرە فەرمی و نێودەوڵەتیەکاندا.



ئەو لاوە کوردە ڕاگەیاند: زۆر دڵخۆشە بەھۆی سەرکەوتنەکانی وەکوو جێگری سەرۆکی لاوانی سیاسی جیھان توانیویەتی ببێتە جێگەی متمانەی سەرجەم پارتە دیموکراتەکان لەسەر ئاستی جیھاندا بتوانێت ڕۆڵی گرنگی نێودەوڵەتیش ببینێت و وەکوو ڕۆڵی پێشمەرگەیەک لە مەیدانی دیبلۆماسیی جیھانیدا ببێتە خەباتکار و پەیامی گەلی کوردستان بگەیەنێتە نێو سەرجەم سیاسەتمەدارە نێوەندەوڵەتیەکان".



دەستنیشانکردنی نوێنەری لاوانی پارتە دیموکراتەکانی جیھان بۆ کۆنگرە نێودەوڵەتییەکان ھەموو ساڵێک جارێک لەلایەن ئەنجومەنی سەرکردایەتییەکەیان و سکرتێری گشتیی پارتە دیموکراتەکانی جیھا لەڕێگەی دەنگدانی نھێنییەوە ھەڵدەبژێردرێت.





باسنیوز