ئەمڕۆ پێنجشەممە خافێر هۆرتادۆ میرا سەرۆکی کۆمەڵەی لاوانی دیموکراتی لە ئەورووپا بەبۆنەی بەربژێرکردنی بۆ سەرۆکی حکوومەتی هەرێمی کوردستان، نامەیەکی پیرۆزبایی ئاڕاستەی مەسرور بارزانی كرد.


لە نامەكەدا هاتووە "هاوڕێی هێژا جەنابی مەسرور بارزانی، شاد و خۆشحاڵین بەبەربژێرکردنتان بۆ سەرۆکایەتی حکوومەتی هەرێمی کوردستان، ئێوە رۆڵێکی کاریگەرتان لە پەرەپێدان و پەرەسەندنی رۆڵی لاوان لە کوردستاندا هەبوو".


هەروەها دەڵێ "ئێوە زۆر سەرکەوتوو بوون لەوەی ببنە هاوڕێی نزیکی لاوانی سیاسی لە ئەورووپا. پشتیوانی بەهێزی خۆمان بۆ ئێوە دەردەبڕین و هیوای باشتر بۆ جەنابتان دەخوازین".


هەفتەی رابردوو لەلایەن ئەنجوومەنی سەركردایەتیی پارتی دیموكراتی كوردستانەوە، نێچیرڤان بارزانی بۆ پۆستی سەرۆكی هەرێمی كوردستان و مەسروور بارزانی بۆ پۆستی سەرۆكی حكوومەتی هەرێمی كوردستان كاندید كران.
bas news -