کۆمەڵەی لاوانی دیموکراتی ئەوروپا پیرۆزبایی لە مەسروور بارزانی دەکەن
لەنامەکەی ئەو رێکخراوە نێودەوڵەتییە هاتووە: "ئێمە زۆر دڵخۆشین و شانازی دەکەین بە کاندیدکردنت بۆ پۆستی سەرۆک وەزیرانی حکومەتی هەرێمی کوردستان، ئێوە رۆڵێکی کاریگەرتان لە پەرەپێدان و پەرەسەندنی رۆڵی لاوان لە کوردستاندا هەبوو ".
سەرۆکی ئەو رێکخراوە سیاسییەی ئەوروپا نووسیویەتی: "لە بوونت بە هاوڕێیەکی زۆر نزیکی گەنجانی سیاسی ئەوروپا زۆر سەرکەوتوو بویت. ئێمە دەمانەوێت پشتگیری زۆری خۆمان بۆ جەنابت دەرببڕین و هیوای باشترینت بۆ دەخوازین".
رۆژی شەممە 01/12/2018، ئەنجوومەنی سەرکردایەتی پارتی دیموکراتی کوردستان، مەسروور بارزانی بۆ پۆستی سەرۆکی حکومەتی هەرێمی کوردستان کاندید کرد و بڕیارە شاندێکی پارتی بەم نزیکانە بۆ پێکهینانی حکومەتی داهاتووی کوردستان سەردانی لایەنەکان بکات.
k24-
