كۆمه‌ڵه‌ی قوربانیانی كیمیابارانی هه‌ڵه‌بجه‌، سه‌باره‌ت به‌ قه‌ره‌بووكردنه‌وه‌ی زیانلێكه‌وتوانی تاوانی كیمیابارانی هه‌ڵه‌بجه‌، داوایه‌ك ئاراسته‌ی فراكسیۆنه‌ كوردستانییه‌كانی ناو په‌رله‌نانی عێراق ده‌كه‌ن.

له‌ ڕاگه‌یاندراوێكی كۆمه‌ڵه‌ی قوربانیانی كیمیابارانی هه‌ڵه‌بجه‌، كه‌ ئاراسته‌ی فراكسیۆنه‌ كوردستانییه‌كان له‌ په‌رله‌مانی عێراق كراوه‌ و هاتووه‌: "سێزدە ساڵ بە سەردادگاییکرنی تاوانبارانی كاره‌ساتی هه‌ڵه‌بجه‌ و بە جینۆساید ناساندنی دۆسەی هەڵەبجە لەلایەن دادگای باڵای تاوانەکانی عێراقەوە تیپەڕ دەبێت، بەڵام تا ئیستا قەرەبووی زیانلێکەوتوانی ئەو تاوانە نەکراوەتەوە".

وه‌ك له‌ ڕاگه‌یاندراوه‌كه‌ی كۆمه‌ڵه‌ی قوربانیانی هه‌ڵه‌بجه‌ هاتووه‌: "پەرلەمانی عێراق چەند یاسایەکی بە ژمارە (20) و (16) لە ساڵەکانی 2009 و 2010 یەک لە دوای یەک دەرکردووە و تایبەتن بە قەرەبووکردنەوەی زیانلێکەوتووانی دەستی ڕژێمی پێشوو، بەڵام بەداخەوە نوینەرانی کورد لە بەغدا ئەم پرسەیان نەکردووەتە بەشێک لە ئەجێندای گفتوگۆکانیان لە حکوومەتی عیراقیدا و نەیانتوانیوە سوود لەم یاسایە وەربگرن بۆ قەرەبووکردنەوەی زیانلێكەوتوانی کوردستان.










باسنيوز