رێڤەبەرێ‌ پەروەردا قەزا ئامێدیێ دیار كر: "ژبەر مەترسیا بۆردومانكرنا فرۆكێن شەرێن توركیا دەرگەهێ هەشت قوتابخانەیێن سنۆرێ ئامێدی هاتینە دائیخستن".

ناسر محەمەد، رێڤەبەرێ‌ پەروەردێ ل قەزا ئامێدیێ سەر رێڤەبەریا گشتی پەروەردا پارێزگەها دهۆكێ‌ ڤە دیار كر: "ل ئامێدیێ 169 قوتابخانە هەبوون نۆكە هەشت قوتابخانە هاتینە گرتن، ئەوژی قوتابخانا خشخاشی ل نێزیك چەم سیدا و وقوتابخانا باتیفا سیدا وقوتابخانا مایی و قوتابخانا بیلیزانكی و قوتابخانا سەرەرو و قوتابخانا ئەدنی و قوتابخانا خانكێ دگەل قوتابخانا دۆلێ. ئەڤ قوتابخانە هەموو یێن هاتینە دائێخستن ژبەر بۆردومانكرنا فرۆكێن شەرێن توركیا".

خویا ژی كر:" خەلكێ‌ گوندان بار دكەن ژبەر مەترسیا شەری دەرڤن، قەستا قەزا وناحیە وباژێران دكەن. ژلایێ قانوونی ڤە ئەم هەموو هەولدانان دكەن دەرگەهێ قوتابخانەیان نەهێنە گرتن لێ‌ دەمێ‌ قوتابی گەلەك كێم دبن دگەهنە بن 15 قوتابیان را، ئەم نەچاردبن دەرگەهێ وان قوتابخانەیان دابێخن".

ل سنۆری قەزا ئامێدیێ پتر ژ سیه وپێنچ هزار قوتابی ل 161 قوتابخانەیان بەردەوامی ب خاندنا خوە دەن.










باسنيوز