موختارێ گوندێ حەردان ل قەزا شنگال دیار كر: "نۆكە ل مووسل و بەعاج ونێزیك شنگال لڤینێن تیرۆرستێن داعش ب شەڤێ دەستپێكریە. ئەم داخوازێ ژ خەلكێ‌ خوە دكەن نە زڤرنە شنگال هەتا پێشمەرگەهێ كوردستانێ‌ دهێتە شنگال بۆ پاراستنا ئێمناهیێ".

سەعدون موراد قاسم، موختارێ گوندێ حەردان ل قەزا شنگال دیار كر: "بەری چەند رۆژان ل عوێنات تیرۆرستێن داعش كریارەكا تیرۆرستی ئەنجامداینە ل بەعاج ژی كریارێن تیرۆرستی هاتینە ئەنجامدان. لڤینێن تیرۆرستێن داعش ل دەڤەرێ هەنە. هەروەكو ل مووسل وگەلەك دەڤەرێن دی یێن عێراقێ كریارێن تیرۆرستی دهێنە ئەنجامدان. ئەم داخوازێ ژ خەلكێ‌ خوە دكەن ژبەر نەبوونا ئێمناهیێ نەزڤرنە دەڤەرێ، هەتا پێشمەرگەهێ كوردستانێ‌ دهێتە شنگال بۆ پاراستنا ئێمناهیێ. نۆكە (30) خێزانان یێن ڤەگەریاینە حەردان پتریا خەلك نۆبەرداریا مالێن خۆ دكەن".

خوۆیا ژی كر: "ل جینوسایدا شنگال 400 كەسێن خەلكێ‌ گوندی حەردان ژ هەردوو رەگەزان هاتنە گرتن و رەڤاندن وبێ سەروشینكرن وهەتا نۆكە ژی چارەنڤیسێ هندەك وەلاتیێن دەڤەرا حەردان دیار نینە".

دەردۆرا دوو هزار كەسان دناڤ 300 خانیان دا ل گوندی حەردان دژیان لێ‌ تیرۆرستێن داعش ژیان ل دەڤەرێ‌ تێكدان، مەزنترین زیان گەهاندنە ئێزدیان ل گوندێ‌ كۆچۆ وگوندێ‌ حەردان.











باسنیوز