نووترین ئامارا هێرشێن داعش بۆ سەر شنگال هاتە راگەهاندن
خەیری بۆزانی، رێڤەبەرێ گشتیی یێ كاروبارێن ئێزدیان ل وەزارەتا ئەوقاف وكاروبارین ئاینی هەرێما كوردستانێ دیاركر:" هەتا نۆكە 71 گۆرێن بكۆم یێن هاتینە دیتن، 68 مەزارگەهێن ئاینی یێن ئێزدیان یێن هاتینە پەقاندن و2745 زارۆك یێن بووینە ئێتیم ژبەر هێرشێن هوڤانە یێن تیرۆرستێن داعش بۆ سەر شنگالێ. ژ وانا ژی 1759 زارۆك بی باب ماینە و 407 زارۆك بی دایك ماینە و 359 زارۆك ژی بی دایك وباب ماینە ودایك وبابێن 220 زارۆكان ژی د دەستی داعشی دا نە. هژمارا گۆرێن بكۆم ژی زێدەبوویە دجینوسایدا شنگالێ دا 6417 كەس ژ هەردوو رەگەزان هاتبوونە گرتن ورەڤاندن".
خویا ژی كر:" ژوانا ژی 3548 ژ رەگەزێ مێ بووینە و 2869 ژ رەگەزێ نێر بووینە. هەتا نۆكە 3 ھزار و 334 كەس یێن هاتینە رزگاركرن ژوانا ژی ھزار و 159 ژن بووینە و 337 زەلام. 962 زارۆكێن كچ بووینە و 876 زارۆكێن كور بوینە. هەتا نۆكە ژی 3 ھزار و 833 كەس دەستی تیرۆرستاندا ماینە، ژوانا ژی ھزار و427 ژ رەگەزێ مێ نە یێن دیتر رەگەزێ نێرن".
بۆزانی گۆت:" ژمارا ئێزدیان ل عێراقی دگەهتە 550 ھزار كەسان، 360 ھزار ئێزدی ژبەر تیرۆرستێن داعش ئاوارە بووینە ورۆژێن ئێكی دا ژ جینوسایدا شنگال ھزار و293 كەس هاتینە شەهیدكرن ".
باسنیوز
