قایمقامی پشدەر ئاشکرای کرد دوای شەش مانگ لە گرتنەووەی ئاوی زێی بچووک، بڕیارە ئەمڕۆ ئێران بەشێکی ئاوەکە بەر بداتەوە.

بەکر بایز، قایمقامی پشدەر ڕايگەیاند: "زانیاریمان لەلایەن بەرپرسانی ئێرانەوە پێدراوە کە ئێوارەی ئەمڕۆ دووشەممە 3-12-2018 کۆماری ئیسلامیی ئیران بەشێک لە ئاوی بەنداوی کۆڵەسەی زێی بچووک بەر دەداتەوە.

گوتیشی: "بۆ ئەو مەبەستە داوا لە و هاووڵاتییانە دەکەین کە کاریان لە دەوری ئاوی زێی بچووکە و نزیکن لە ئاوەکە، ئاگاداری خۆیان بن بۆ ئەوەی لە کاتی زیادبوون و هەڵکشانی ئاستی ئاوەکە تووشی هیچ زیانێکی گیانی و ماڵی نەبن و ڕووداوی نەخوازراوی لێ نەکەوێتەوە".

لە مانگی حوزەیرانی ئەمساڵەوە ئێران بەتەواوەتی زێی بچووکی سنووری پشدەی وشک کردووە و بەهۆیەوە زیانێکی زۆری لە کشتوکاڵ و ئاوی خواردنەوەی سنوورەکە و کەمبوونەوەی ئاستی ئاوی بەنداوی دووکان داوە.












باسنيوز