بەرپرسێ‌ راگەهاندنا بۆردێ‌ كارۆبارێن مرۆڤایەتی ل پارێزگەها دهۆكێ‌ راگەهاند، كۆمسیۆنا بلند یا پەنابەران ل نەتەوەیێن ئێكگرتی دێ‌ پارا ل شوونا نەفتێ‌ ل سەر 90 هزار خێزانێن ئاوارە و پەنابەر دابەش كەت.

سالم سەعید، بەرپرسێ‌ راگەهاندنا بۆردێ‌ كارۆبارێن مرۆڤایەتی دیار كر، مە چەندین جاران داخواز ژ عیراقێ‌ كریە گازێ‌ بۆ ئاوارە و پەنابەران دابین بكەت، بەلێ‌ چو جاران ل دویڤ داخوازیا مە نەهاتینە و چو جاران گاز بۆ ئاوارەیان دابین نەكریە، لەوما كۆمسیۆنا بلند یا پەنابەران ل نەتەوەیێن ئێكگرتی (UNHCR) ل دویڤ داخوازا ئاوارەیان هات و بریار دایە پارا ل شوونا نەفتێ‌ ل سەر 90 هزار خێزانێن ئاوارە و پەنابەر دابەش كەت.

ناڤبری ئەو یەك ژی نە ڤەشارت كو بریارە هەر خێزانەكا پەنابەر ل شوونا گازێ‌ 480 هزار دیناران وەربگریت و هەر خێزانەكا ئاوارە ژی ل شوونا گازێ‌ 30 هزار دیناران ژ كۆمسیۆنا بلند یا پەنابەران ل نەتەوەیێن ئێكگرتی (UNHCR) وەربگریت.











باسنيوز