نووری مالیكی، سەرۆكی ھاوپەیمانی دەوڵەتی یاسا و سەرۆكوەزیرانی پێشووتری عێراق لە وتووێژێكدا لەگەڵ كەناڵی فەرمی ئێران رایگەیاند، لە كۆبوونەوەكەیدا لە گەڵ سەرۆك بارزانی لە بارەی رێفراندۆمی ھەرێمی كوردستانەوە قسەیان كردووە و بارزانی سوورە لەسەر ئەنجامەكانی رێفراندۆم بۆ سەربەخۆیی كوردستان.

له‌ گفتوگۆیه‌كه‌دا له‌گه‌ڵ كەناڵی فەرمی ئێران، مالیكی دەڵێت: "ھەڵوێستی سەرۆك بارزانی لە بارەی رێفراندۆم نەگۆڕاوە و سوورە لەسەر بڕیارەكانی بۆ سەربەخۆیی كوردستان".

مالیكی راشیگەیاندووە، عێراق پێویستی بە ھەرێمی كوردستانە و پێویستە ھەوڵ بۆ نزیككردنەوەی لایەنە سیاسییەكانی بەغدا و كوردستان بدرێت.

ھەفتەی رابردوو سەرۆك بارزانی سەردانی بەغدای كرد و لەگەڵ زۆربەی لایه‌نە سیاسییەكان و سه‌ركرده‌ و به‌رپرسه‌ باڵاكانی عێراق كۆبووه‌وه‌ و تێیدا باسی له‌ په‌یوه‌ندییه‌كانی نێوان هه‌ولێر و به‌غدا كرا.






K24