گوتەبێژی بەڕێوەبەرایەتیی تەندروستیی ڕاپەڕین ڕایگەیاند، بەشێك لەو خۆراكانەی لە مەرزی (كێلێ)ی سنووری پشدەر دێنە ناو هەرێمی كوردستانەوە، دواتر پشكنینیان بۆ دەكرێت.

تەها محەمەد، گوتەبێژی بەڕێوەبەرایەتیی تەندروستی ڕاپەڕین ڕایگەیاند: "زانیاریمان پێگەیشت كە لە مەرزی كێلێی سنووری پشدەر زۆرێك لە بەرهەمە خۆراكییەكان كە لە وڵاتی ئێرانەوە هاوردەی هەرێمی كوردستان، دەكرێن دوای داخڵبوونیان پشكنینیان بۆ دەكرێت ".

گوتیشی: "پێمان وایە ئەوە پێچەوانەی مەرج و ڕێنماییە تەندروسنتی و داراییەكانە، چونكە دەبێت لەسەر مەرزەكە پشكنینیان بۆ بكرێت و ئەوجار بڕیاری هێنانیان بدرێت، یان بگەڕێندرێنەوە".

ڕوونیشی كردەوە: "داوامان لە لایەنی پەیوەندیدار كردووە كە هەرچی زووە ڕێگە بگیرێت لە هاوردنی خۆراك بەم جۆرەی ئێستا و پێشنیاریشمان كردووە كە كەرەنتینەی تەندروستی لە مەزرەكە چالاك بكرێت".











باسنیوز