بنەماڵەیەک ڕایدەگەیەنن کە لە بازگەی سەنگاوی سەر بە چەمچەماڵ، هێزەکانی ئاسایش تەقەیان لە ئۆتۆمبێلێک کرد و کەسێکیان کوشتووە و یەکێکی دیکەشیان بریندار کردووە.

بەپێی زانیارییەکان، بەرەبەیانی ئەمڕۆ شەممە ١ی ١٢ی ٢٠١٨، لە بازگەی سەنگاوی سەر بە چەمچەماڵ، تەقە لە ئۆتۆمبێلێک کراوە کە دوو کەسی بە ناوەکانی (شەماڵ ئەحمەد) کوشتووە و یەکێکی دیکەشیان بریندار کردووە.

هەر لەمبارەیەوە عەبدوڵڵا حەمە سەعید، ئامۆزای کوژراوەکە بە کەناڵی (کوردستان ٢٤)ی ڕاگەیاندووە کە داوایان لە لایەنە پەیوەندیدارەکان کردووە، لێکۆڵینەوە لە ڕووداوەکە بکەن و داواشیان لە هێزەکانی بازگەکە کردووە، ڕوونکردنەوە بدەن.

بە گوتەی ئامۆزای کوژراوەکە، هێزەکانی (ئاسایش، پێشمەرگە و پۆلیسی دارستان) لە بازگەکەدا هەن و ”هەموویان خۆیان لەو ڕووداوە بێبەری دەکەن و دەڵێن ئێمە تەقەمان نەکردووە، بەڵام لەناو بازگە جگە لە ئەوان کەس ناتوانێ تەقە بکات".















باسنیوز