ئێواره‌ى ئه‌مڕۆ بارهه‌ڵگرێك به‌ هۆى له‌ده‌ستدانى كۆنترۆڵه‌وه‌ خۆى كێشا به‌ بازگه‌ى هێزه‌ ئه‌منييه‌كانى عێراقدا له‌ ناوچه‌ى چيمه‌ن و به‌و هۆيه‌وه‌ سێ هاووڵاتى بريندار بوون.

سەرچاوەیەک لە پۆلیسی کەرکووک رايگه‌ياند، رووداوه‌كه‌ له‌ نزیک گوندی چیمەن لەسەر رێگای کەرکوک – سلێمانی روويداوه‌.

گوتيشى: لە ئەنجامی ئەو رووداوەدا سێ کەس بریندار بون، کە کوردن و یەکێکيشيان ئافرەتە.

بەگوێره‌ى زانیاریيەکان لەو کاتەی کە بارهه‌ڵگره‌كه‌ کۆنترۆڵی لە دەستداوە خۆی کێشاوە بەچەند ئۆتۆمبێلێک و بازگەکەدا، لە ئەنجامدا زیانێکی زۆری گەیاندووە بە بازگەکە.

k24-