سلێمان ئۆسۆ: پەیەدێ چ خزمەتێ ب دۆزا گەلێ مە ناکەت
پشتی شۆرەشا سوریا ل ساڵا ٢٠١١ـێ رۆژئاڤایێ کوردستانێ کەفتیە ددەستێ پەیەدێ دا کو باڵی سیاسی و یەپەگە ژی بالێ سەربازی دێ پەکەکێنە، ئەنەکەسە ژی ڕیکخستنەکا سیاسی مەزن یا وێ وەڵاتیە لێ بەڵێ ژ ئالیێ پەیەدێ ڤە رێگری لێ دهێتە کرن.
د ڤی بیاڤی ژی دا، سلێمان ئۆسۆ، سەرکردەیێ ئەنەکەسێ بۆ ماڵپەرێ فەرمیی یێ پارتی دیموکراتی کوردستان گۆت: ''ئەنەکەسە سیاسەتەکە دروست بڕێڤەدبەت و سەر ئاستێ جیهانێ ژی ئەنەکەسە نوێنەراتیا کوردێن رۆژئاوا دکەت، بەلێ پەیەدە ڕێگریێ لێ دکەت، و ئەندام و ئالیگرێن مە بن چاڤ دکەت و چارەنڤیسێ گەلەک ژ سەرکردەیان ددەستێ واندا نەیێ دیارە.
هەیا نها ب سەدان ئالیگر و ١٠ سەرکردەیێن ئەنەکەسێ ژی د زیندانێن پەیەدێ دانە، زێدەتری ٥٠ ئۆفیسێن وان ژی ژ ئالیێ ئاسایاشا پەیەدێ ڤە هاتینە گرتن و سۆتن.
بەریا چەند رۆژان و پشتی ساڵەک و چار مەهان، سەرکردە عەبدلرەحمان ئاپۆ ژ زیندانێن پهیهدێ ئازادبوو، سەرۆک بارزانی ژی کەیفخۆشیا خۆ دیارکر و راگەهاند، گەرەکە عەبدلرەحمان ئاپۆ نە دزێندانێن پارتێن کوردی دابا بەلکو د زێندانێن دوژمن دابا و پێدڤیە ئازادیا سیاسی ل رۆژئاڤا بهێتە مەشاندن.
ژبۆ نێزیکبوون و دانوستان ل گەل پەیەدێ، ئۆسۆ، دبێژیت، گەرەکە ئەو هەموو گرتیێن مە سەربەست ئازاد بکەن و ئالیێ سێیەم هەبیت بۆ چاڤدێریا ڕیکەفتنان بکەت باوەریا مە نائێت ب پەیەدێ چونکی ئەوان رێکەفتنێن هەولێر و دهۆک ژی جێ بەجێ نەکرینە.
ل ژێر چاڤدێریا سەرۆک بارزانی، ڕیکەفتنێن دهۆک و هەولێر دەربارەی پرسا کورد ل رۆژئاڤا و رێڤەبرنا وێ پارچێ ژ ئالیێ پەیەدێ و ئەنەکەسێ ڤە هاتە ئەنجامدان، بەلێ پەیەدێ ئەو رێکەفتن جێبەجێ نەکر و، ئۆسۆ ددەتە خویاکرن گەرەکە ئالیێ سیێ هەبیت ژبۆ چاڤدیریکرن و گرەنتیا ئەنجوومەنا مە و پەیەدێ.
هەر وەک سلێمان عەرەب، نوێنەرێ پەیەدێ ل هەرێما کوردستانێ دیارکر، دڤێت ئەنەکەسە هەلویستێ ڕۆن هەبا ل دۆر پرسا عەفرینێ و هەبوونا وێ ژی د ئۆپۆزسیۆنێ دا شاشیە چونکی ئۆپۆزسیۆن دەست د داگیرکرنا وی باژاریدا هەی.
گۆتژی: ''ئەم ل گەل ئەنەکەسێ رێک ناکەڤین دڤێت ئەنەکەسێ شاشیێن خۆ هەموویان ڕاستڤەکەت و هەلویستەکی باشتر هەبیت،"
هەروەسان ئۆسۆی گۆتژی ''پەیەدە ل گەل هەموو وەڵاتان هەتا کو رژێما سوریا ژی ڕێکەفتن ئەنجامدان بەلێ ل دژی کوردان د ڕادوەستینیت ئەڤەژی چ خزمەتێ ب دۆزا گەلێ مە ناکەت.''
kdp-
