بەڕێوەبەرایەتیی ھاتوچۆی سلێمانی، لە ڕاگەیاندراوێکدا ئاشکرای کرد، کەسێک بەھۆی ڕووداوێکی ھاتوچۆی لە سنووری سلێمانی گیانی لەدەست داوە.

ئەمڕۆ یەکشەممە 25/11/2018، بەڕێوەبەرایەتیی ھاتوچۆی سلێمانی ڕاگەیاندراوێکی لە پەیجی فەرمیی خۆی، لە تۆڕی کۆمەڵایەتیی (فەیسبووک) بڵاو کردەوە، تێیدا ھاتووە: "کاتژمێر 10ی سەرلەبەیانیی ئەمڕۆ لە ڕووداوێکی ھاتوچۆدا و لەسەر ڕێگای دووکان - سلێمانی، نزیک دەرگای دووەمی فەرماندەیی ئۆتۆمبێلێکی جۆری (سانگ یۆنگ) بەھۆی تیژڕەوی و کەشوھەواو و تەڕبوونی شەقامەکە وەرگەڕا".

بەڕێوەبەرایەتیی ھاتوچۆی سلێمانی ھەر لە ڕاگەیاندراوەکەدا باسی لەوەش کردووە، کە بەھۆی ئەو ڕووداوەوە، شۆفێری ئۆتۆمبێلەکە گیانی لەدەست داوە.










باسنيوز