زیاتر لە 170 هەزار کەس لە هەرچوار پارێزگای هەرێمی کوردستان مافی بەشداریکردنیان لە دەنگدانی تایبەت هەیە.

بەپێی زانیارییەکان، 170 و 496 کەس لە هەرێمی کوردستان، لە هەولێر 70، لە سلێمانی 60 هەزار، لە دهۆک 40 هەزار و لە پارێزگای هەڵەبجەش دوو هەزار پێشمەرگە و کارمەندی ئەمنی مافی بەشداریکردنیان هەیە.


پرۆسەی دەنگدانی تایبەت کاتژمێر 8ـی سەرلەبەیانیی رۆژی هەینی 28/9/2018 دەستی پێ کرد و تا کاتژمێر 6ـی ئێوارە بەردەوام دەبێت.


پێشتر بەرپرسانی کۆمسیۆن رایانگەیاندبوو، کە 99 بنکەی دەنگدانی تایبەت لە هەر چوار پارێزگای هەرێمی کوردستان (هەولێر، سلێمانی، دهۆک و هەڵەبجە) هەن.


لە پرۆسەی دەنگدانی تایبەت، هێزەکانی پێشمەرگە، ئاسایش، پۆلیس و هێزە ئەمنییەکانی دیکە دەنگ دەدەن.


رۆژی 30ـی ئەیلوولی 2018، هەڵبژاردنی گشتی بۆ خولی پێنجەمی پەرلەمانی کوردستان ئەنجام دەدرێت.










باسنيوز