ل باکووری کوردستانێ ساڵڤەگەرا ڕیفراندۆمێ بلند تێ نرخاندن
د جڤینێ دا داخویانیەک هەڤبار ب هەردوو زمانێ کوردی و تورکی هات خواندن ژبال سەرۆک و سەرکردەیین لایەنێن سیاسی ڤە.
ئەڤە ژی دەقێ وێ یە:
"رەفەراندووما سەرخوەبوونێیا ٢٥ێ ئیلۆنا ٢٠١٧ـێ و ئەنجامێن وێ رەوانە و ئەم پشتگرییێ لێ دکەین!
د رۆژا ٢٥ێ ئیلۆنا ٢٠١٧مێ دە، ل باژارێن ھەرێما کوردستانێ (ھەولێر، سلێمانییە، دھۆک و ھەلەبچە) و ل نەڤچەیێن دنێن باشوورێ کوردستانێ،یێن کو مژارا مادەیا ١٤٠ی نە، ریفراندۆما سەرخوەبوونێ یا مەشروع بوو، ب ئاوایەکی دیمۆکراتیک ل دار کەت.
بریارا ریفەراندۆما سەرخوەبوونێ ژ ئالیێ سەرۆکاتی، حکوومەت و پەرلەمێنتۆیا ھەرێما کوردستانێ ڤە ھاتبوو وەرگرتن. بەشداریا رەفەراندوومێ ژ %٧٢، رێژەیا دەنگێن ‘ئەرێ ژ بۆ سەرخوەبوونێ'' ژی نێزیکی %٩٣ بوو.
وەک دهێتە زانین ئەمەریکا، رووسیا، ئەورووپا و گەلەک دەولەتێن جیھانێ داخواز کربوون کو رەفەراندووم بێ تەجیل کرن.
دەولەتێن وەکە تورکیا، ئیران، ئیراق و سووریێ ژی، نە بتنێ ل دژی ریفەراندوومێ دەرکەتن؛ ژ بۆ کو رێ ل بەر ریفەراندۆمێ بێ گرتن ژی، چ ژ دەستێن وان ھات کرن و ب ھەڤدو رە پلانەکە ھەڤبەش مەشاندن.
گەلێ باشوورێ کوردستانێ، ل گەل ھەموو گەڤ، فشار، ئاستەنگی، ئێریش و پلانێن قرێژێن دەرەکی و ناڤخوەیی ژی، ب جەسارەت، ب بریارداری و بخوەباوەریەکە بروومەت چوون سەر سندۆقان و ژ %٩٣ ژ سەرخوەبوونێ رە گۆتن ‘ئەرێ''. ئەڤ ھەلوەستا گەلێ مە، ھەروھا ب رێیێن دیمۆکراتیک ئیلانکرنا ئیرادەیەکە مەشرووع نەتەوی بوو ژی.
د یەکەمین سالڤەگەرا رەفەراندووما سەرخوەبوونێ دە، ئەم ھەم ریفەراندوومێ و ھەم ژی ئەنجامێن وێ ب رێزداری سلاڤ دکن و جارەکە دن ژی ئاشکەرا دکەین کو ئەم پشتگریێ ل ڤێ ئیرادەیا گەلێ خوە دکەین.
وان ھێز و ئالیێن کو ب پلان و ھەول و گەڤێن خوە نکاریبوون رێ ل بەر ریفەراندۆمێ بگرن، ب ئالیکاریا ئیخانەتا ناڤخوەیی و ب دەستێ حەشدا شەعبی، د رۆژا ١٦ـێ ئۆکتۆبەرا ٢٠١٧ـێ دا، جارەکە دی کەرکووک و وان نەڤچەیێن کو مژارا مادەیا ١٤٠ی نە دانە داگیرکرن. داگیرکرنا کەرکووکێ و ئێریشا ١٦ـی ئۆکتۆبەرێ، بنپێکرن و تونەھەسباندنا ئیرادەیا مەشروع، دیەمۆکراتیک و نەتەوییا گەلێ باشوورێ کوردستانێ بوو. ئەم جارەکە دی ژی داگرکرانا کەرکووکێ و داگرکرنا ژ %٤٠ی زێدەترێ خاکا باشوورێ کوردستانێ روورەش دکەینن.
ھێڤی و داخوازا مە ژ پارتیێن سیاسی و ژ حکوومەت و پەرلەمەنتۆیا باشوورێ کوردستانێ ئەڤە کو، ل ئیرادەیە رەفەراندووما ٢٥ێ ئیلۆنا ٢٠١٧ـێ خوەدی دەرکەڤن.
ئەم جارەکە دن بانگی ھەموو پارتیێن سیاسی دکن کو، ب تفاق و یەکگرتنەکە نەتەوی و خورت ل دەستکەفتیێن نەتەوییێن ل باشوورێ کوردستانێ خوەدی دەرکەڤن، ل ئیرادەیە ریفراندۆمێ خوەدی دەرکەڤن و ھەر ب ھەڤدو رە تەڤ بگەرن.
لێخوەدی دەرکەتنا ئیرادە و ئەنجاما رەفەراندووما سەرخوەبوونێ یا کو د ٢٥ێ ئیلۆنا ٢٠١٧ـێ دا ل دار کەت، دڤێ ئەم وەکە وازیفەیەکە نەتەوی قەبوول بکەین.''
kdp-
