سەرۆک وەزیرانی هەرێمی کوردستان پەیوەندییەکی تەلەفۆنی لەگەڵ وەزیری دەرەوەی ویلایەتە یەکگرتووەکانی ئەمریکا ئەنجام داوە.



بەپێی زانیارییەکان، نێچیرڤان بارزانی، سەرۆک وەزیرانی هەرێمی کوردستان، پەیوەندییەکی تەلەفۆنی لەگەڵ مایک پۆمپیۆ، وەزیری دەرەوەی ئەمریکا ئەنجام داوە.



لەو پەیوەندییە تەلەفۆنییەدا نێچیرڤان بارزانی و مایک پۆمپیۆ گفتوگۆیان لەبارەی پرۆسەی سیاسی لە عێراق کردووە و جەختیان لە سەرخستنی پرۆسەکە کردووەتەوە.



ئەمە لە کاتێکدایە کە لە چوارچێوەی سەردانەکەیدا بۆ بەغدای پایتەختی عێراق، بەیانیی ئەمڕۆ یەکشەممە ٢٣ی ئەیلوولی ٢٠١٨، نێچیرڤان بارزانی و شاندی یاوەری، گەیشتنە نەجەف و بڕیارە لەگەڵ موقتەدا سەدر، سەرۆکی هاوپەیمانیی سائیروون کۆببنەوە.



باسنیوز