به‌ڕێوه‌به‌رى گومرگى ڕاپه‌ڕین، ئاشكراى كرد، کە له‌ هه‌ڵمه‌تێكدا پۆلیسی گومرگی ڕاپه‌ڕین ده‌ستی به‌سه‌ر بارهه‌ڵگرێكدا گرت كه‌ بڕێكى زۆر دونگی ئاژه‌ڵی قه‌ده‌غه‌كراوی هه‌ڵگرت بوو.



جه‌وهه‌ر ڕه‌سوڵ، به‌ڕێوه‌به‌رى گومرگى ڕاپه‌ڕین، ڕاگه‌یاند: ”ئه‌و بارهه‌ڵگره‌ بڕی حەوت تۆن و 672 كلیۆ گرام دونگی ئاژه‌ڵی قه‌ده‌غه‌كراوی هه‌ڵگرتووه،‌ و دواى ئه‌وه‌ى له‌لایه‌ن مه‌فره‌زه‌یه‌كى پۆلیسى گومرگى ڕاپه‌ڕین ده‌ستى به‌سه‌ردا گیرا“.



به‌ڕێوه‌به‌رى گومرگى ڕاپه‌ڕین، ئەوەشی خستە روو، کە له‌میانى لێكۆڵینه‌وه‌دا ده‌ركه‌وتووه‌ كه‌ ئه‌و باره‌ به‌ شیوه‌ى قاچاخ ویستراوه،‌ بهێندرێته‌ سنوورى ڕاپه‌ڕین و ساغ بكرێته‌وه‌.



ئاماژه‌ى بۆ ئه‌وه‌ش كرد، كه‌ ئێستا له‌لایه‌ن به‌شی یاسایی به‌ڕێوه‌به‌رایه‌تییەکەیانه‌وه‌، به‌مه‌به‌ستى غه‌رامه‌كردن و سزادانى خاوه‌نه‌كه‌ى و ساغكردنه‌وه‌ى دونگه‌ به‌له‌ ناوبردن، بابه‌ته‌كه‌ كراوه‌ته‌ كه‌یس و ڕه‌وانه‌ی دادگا كراوه‌.
bas news-