سه‌ره‌راى هندێ ده‌ڤه‌رها ئه‌لقوش ژلایێ ئیدارى ڤه‌ سه‌ر ب پارێزگه‌ها مووسل ڤه‌یه‌، به‌لێ رێڤه‌به‌ریا هاتن و چوونا دهۆكێ هنده‌ك خزمه‌تگۆزاریێن ترافیكێ پێشكێشى ده‌ڤه‌رێ دكه‌ت.



موقه‌دم ئازاد تاها، په‌یڤدارێ رێڤه‌به‌ریا هاتن و چوونا پارێزگه‌ها دهۆكێ، دیار كر، کو ده‌ڤه‌را ئه‌لقوش كو پتریا وان كریستیان و كوردێن ئێزدى لێ دئاكنجینه‌، ژلایێ ئیدارى ڤه‌ سه‌ر ب پارێزگه‌ها مووسل ڤه‌یه‌، به‌لێ حكوومه‌تا عیراقێ چو خزمه‌تگۆزاریان بۆ ناكه‌ت و یا پشتگوه خستیه‌، له‌وما مه‌ وه‌كو رێڤه‌به‌ریا هاتن و چوونا پارێزگه‌ها دهۆكێ هنده‌ك خزمه‌تگۆزاریێن ترافیكێ بۆ وان كرن، ب مه‌ره‌ما خۆشكرنا هاتن و چوونا ترومبێلان و جوانكرنا جاده‌یان.



ئاشكرا ژى كر، كو رێڤه‌به‌ریا هاتن و چوونا پارێزگه‌ها دهۆكێ چه‌ندین جاده‌یێن ده‌ڤه‌را ئه‌لقوش بۆ جارا ئێكێ بۆیاغ كرن و ل هه‌موو جاده‌یان ژى هێمایێن هاتن و چوونێ لێ دانان و ئه‌ڤه‌ قۆناغا ئێكێ یه‌، به‌لكو رێڤه‌به‌ریا هاتن و چوونا پارێزگه‌ها دهۆكێ دێ ل ده‌مێن بهێت هنده‌ك خزمه‌تگۆزاریێن دى ژى پێشكێشى ده‌ڤه‌رێ كه‌ت.
bas news-