بۆ ئێكەم جار 13 شەهیدێن ئەنفالان دێ ل دهۆكێ هێنە ڤەشارتن
رەجەب ئیبراهیم، رێڤەبەرێ گشتیێ كارۆبارێن شەهید و ئەنفالكریان ل پارێزگەها دهۆكێ، دیار كر، بەری 30 سالان درەندەترین كارەسات د كەلها نزاركێ دا ب سەرێ كوردان هاتیە و ب سەدان گەنجێن كورد د ڤێ كەلهێ دا هاتینە كۆشتن و ئەنفالكرن، ژ بەر هندێ ژی هزر د وێ چەندێ دا هاتیە كرن كو گۆرستانەكا شەهیدێن ئەنفالا بادینان ب رەخ ڤێ كەلهێ ڤە بهێتە دانان و بۆ ئێكەم جار، رۆژا شەمبی 1/9/2018 دێ رۆفاتێن 13 شەهیدێن ئەنفالێ ل ڤێ گۆرستانێ هێنە ڤەشارتن.
ئاشكرا ژی كر كو پشكنین بۆ ڤان رۆفاتان ژ لایێ پزیشكان ڤە هاتینە كرن و پشكنینێن وان نها ل بەردەستن و هەتا نها ژی ئێكەم جارە رۆفاتێن شەهیدێن ئەنفالا بادینان هاتینە دیتن و ئەڤ هەر 13 شەهیدێن دێ هێنە ڤەشارتن ژی هەر ل كەلها نزاركێ هاتبوونە شەهیدكرن.
باسنیوز
