بەڕێوەبەرایەتی گشتی تەندروستی هەڵەبجە، ئاگادارییەکی بۆسەرجەم دامەزراوە تەندروستییەکانی سەر بە میلاکی بەڕێوبەرایەتییەکەیان بڵاو کردەوە.

بەپێی نووسراوێکی بەڕێوەبەرایەتی گشتی تەندروستی هەڵەبجە کە ئەمڕۆ چوارشەممە 29/8/2018، لە پەیجی فەرمی خۆیان لە تۆڕی کۆمەڵایەتی (فەیسبووک) بڵاویان کردووەتەوە و تێیدا چەند بڕیارێک لە بارەی ئاسایی کردنەوەی دەوامی فەرمانبەران دراوە.

لە نووسراوەکەدا هاتووە، لەبەر بەژەوەندی گشتی و باشتکردنی خزمەتگوزاری تەندروستی بە هاووڵاتییان لە دەزگا تەندروستییەکان و بەڕەچاوکردنی پێدانی مووچە لەکاتی خۆیدا پێویستە، سەرجەم کارمەندان پابەندبن بە ڕێکخستنەوە و ئاساییکردنەوەی دەوامی فەرمی پابەندبوون بەکاتی دەوام.

تەندروستی هەڵەبجە ڕوونیشی کردووەتەوە، پابەندبوونی کارمەندانی ئێشکگر بە 144 کاتژمێر کارکردن لە مانگێکدا بە پێ ی مادەی 56 لەیاسای شارستانی ژمارە 24ی ساڵی 1960.

لە نووسراوەکە جەختیش کراوەتەوە، هەر دامەزراوەیەکی تەندروستی پابەند نەبێت، بەڕێوەبەر و لێپرسراوی شوێنەکە بەرپرسیار دەبێت.