نونه‌رێ خرڤه‌بوونا خه‌لكێ دێركى دیاركر، کو خه‌لكێ گوندێ دێركى ل ناحیا باعه‌درێ سه‌ر قه‌زا شێخان ڤه‌ ژبه‌ر نه‌قه‌ره‌بووكرنا خه‌لكێ مولكێ وان كه‌فتیه‌ به‌ر ویستگه‌ها كاره‌بێ، خرڤه‌بوونه‌ك كرن وداخازا قه‌ره‌بووكرنێ ژ حكومه‌تا هه‌رێما كوردستانێ دكه‌ن.



سه‌گڤان تاهر دێركى، نونه‌رێ خرڤه‌بوونا خه‌لكێ دێركى دیاركر: "ویستگه‌هه‌كێ كاره‌بێ ل سه‌ر 110 دونمێن ئه‌ردى ل گوندێ دێركى یێ هاتیه‌ دانان ژ سالا 2008ێ وه‌ره.‌ چاڤه‌رێ بوو ئه‌م بهێنه‌ قه‌ره‌بوو كرن وخانی بۆ مه‌ بهێنه‌ ئاڤاكرن و هێلا كاره‌بێ دێ داینه‌. خه‌لكێ دێركێ ل ویستگه‌هێ كاركه‌ن وچه‌ند جاران مه‌ سه‌ره‌دانا پارێزگه‌ها دهۆكێ كریه‌ بۆ بابه‌تێ قه‌ره‌بوو كرنا خه‌لكێ گوندی. لێ هه‌تا نۆكه‌ چوو بۆ مه‌ نه‌هاتیه‌ كرن له‌ورا مه‌ خرڤه‌بوون ئه‌نجامدایه‌. خرڤه‌بوونا مه‌ بتنێ بۆ ده‌ستڤه‌ئینانا مافێن خه‌لكێ دێركى یه‌. ئه‌م ده‌ستان ژ خرڤه‌بوونا خو به‌رناده‌ن هه‌تا چاره‌سه‌ریه‌ك بۆ مه‌ دهێته‌ كرن".



خویا ژى كر: "ئه‌ڤرۆ 27/8/2018 مه‌ ده‌رگه‌هێ ویستگه‌ها كاره‌بێ یێ گرتى، هه‌موو ته‌نكه‌ر راوه‌ستاینه.‌ كه‌س ناهێته‌ ژوور ڤه‌ هه‌تا چه‌ند ده‌مژمێرین دی ویستگه‌ه كاره‌بێ ژى دێ هێته‌ راوه‌ستاندن، چونكو ب گازوائیلى كاردكه‌ت. مه‌ خیڤه‌تێن خوه‌ داناینه‌ ل به‌ر ده‌رگه‌هێ ویستگه‌هێ، ئه‌م چاڤه‌رێنه‌ چاره‌سه‌ره‌ك بۆ مه‌ بهێته‌ دیتن داكو ده‌رگه‌هێ ویسیتگه‌هێ ژى بهێته‌ ڤه‌كرن".
bas news-