دوای سێ ڕۆژ خنكانی ئەمڕۆ دووشەممە تەرمی گەنجە گەشتیارێكی شاری هەولێر، لە لە ڕووباری شانەدەر لە دەڤەری بارزان دۆزرایەوە.

عەمید عیماد بەڕێوەبەری بەرگریی شارستانیی سۆران، رایگەیاند: "ڕۆژی هەینی 24/8/2018 كوڕە گەنجێكی خەڵكی شاری هەولێر بەناوی (ئیبڕاهیم بێستوون ڕەشید) تەمەن 17 ساڵ، كە قوتابی بووە، بەمەبەستی گەشت و سەیران روویان لە ڕووباری شاندەر لە دەڤەری بارزان لە سنووری شارۆچكەی مێرگەسۆر كردبوو، لە رووباری شانەدەر خنكاوە و تەرمەكەشی دیار نەبوو".



گوتیشی: "تیمەكانی بەرگریی شارستانی سۆران و مێرگەسۆر و هاووڵاتییانی دەڤەرەكە و كەسوكارەكەی بۆ دۆزینەوەی تەرمەكەی ڕوویان لە شوێنەكە كردوو، دوای سێ‌ رۆژ گەڕان ئەمڕۆ دووشەممە 27/8/2018 تەرمەكەی دۆزرایەوەو تەرمەكەی رەوانەی پزیشكی داد كراوە.












باسنیوز