نوێنەری حکومەتی هەرێمی کوردستان لە پەرلەمانی یەکێتی ئەوروپا رایگەیاند، لە هەفتەی داهاتوو شاندێکی پەرلەمانی بەلجیکا سەردانی هەرێمی کوردستان دەکات و لەگەڵ سەرکردایەتی سیاسیی هەرێمی کوردستان کۆدەبنەوە.

دلاوەر ئاژگەیی، نوێنەری حکومەتی هەرێمی کوردستان لە پەرلەمانی یەکێتی ئەوروپا رایگەیاند، لە هەفتەی داهاتوو شاندێکی پەیوەندییەکانی دەرەوەی پەرلەمانی بەلجیکا و ژمارەیەک رۆژنامەوانی ئەو وڵاتە، سەردانی هەرێمی کوردستان دەکەن و لەگەڵ سەرکردایەتی سیاسیی هەرێمی کوردستان کۆدەبنەوە.

دلاوەر ئاژگەیی وتیشى، "ئەو شاندە دەیانەوێ دوایین گۆڕانکارییەکانی هەرێمی کوردستان و ناوچەکە لە نزیکەوە ببینن، هەروەها تاوتووێی پەیوەندییەکانی نێوان هەولێر و بە‌غدا بکەن و بەرچاوروونیشیان لە گۆڕانکارییەکانی عێراق لەدوای هەڵبژاردن هەبێت".

نوێنەری حکومەتی هەرێمی کوردستان لە پەرلەمانی یەکێتی ئەوروپا ئاماژەی بەوەشکرد، " دوای هەرێمی کوردستان، شاندەکە سەردانی رۆژئاوای کوردستانیش دەکات و دواتریش راپۆرتێک ئامادە دەکات و لە پەرلەمانی وڵاتەکەدا دەیخوێننەوە".







خه‌ندان-