بە بۆنەی کۆچی دوایی خوشکی شێخ سەباح ئەحمەد میری کوێت، سەرۆکوەزیرانی هەرێمی کوردستان پەیامێک ئاراستەی ناوبراو دەکات.



نێچیرڤان بارزانی، سەرۆکوەزیرانی هەرێمی کوردستان ئەمڕۆ سێشەممە(١٤-٤-٢٠١٨) پەیامەکەی ناردووە و تیایدا هاوخەمی خۆی بە میری کوێت ڕاگەیاندووە کە ئەمەی خوارەوە دەقەکەیەتی:-



پەیامێک ئاراستەی
خاوه‌نشكۆ میرى ده‌وڵه‌تى كوێت
به‌ڕێز شێخ صباح الاحمد الجابر الصباح

سڵاوى خواتان لێ بێت،
به‌ خه‌م و په‌ژاره‌یه‌كى زۆره‌وه‌ هه‌واڵى كۆچى دواییى خوشكى خوالێخۆشبووتانم پێگه‌یشت. به‌م بۆنه‌ خه‌مناكه‌وه‌ له‌ دڵه‌وه‌ پرسه‌ و سه‌ره‌خۆشى له‌ خۆتان و خانه‌واده‌ به‌ڕێزه‌كه‌تان و حكوومه‌ت و گه‌لى كوێت ده‌كه‌ین.

له‌ یه‌زدانى مه‌زن داواكارین ئه‌مه‌ دوایین ناخۆشیتان بێت و خوالێخۆشبوو به‌ به‌هه‌شت شاد بكات، دڵنه‌وایى و سه‌بووریش به‌ ئێوه‌ ببه‌خشێت.

انا لله وانا الیه راجعون

نێچیرڤان بارزانى
سه‌رۆك وه‌زیرانى هه‌رێمى كوردستان
bas news-