بەڕێوەبەری گشتیی کارەبای ھەولێر ڕای دەگەیەنێت، چاوەڕێی تەواوبوونی مامەڵەی ھاووڵاتییانین بۆ ئەوەی کارەبا بە دانیشتوانی تەلار ستی بدەین.

حوسێن حەمەد، بەڕێوەبەری گشتیی کارەبای ھەولێر ڕايگەیاند: ”ئەنجومەنی وەزیران ڕەزامەندی لەسەر پێدانی 16 ئەمپێر کارەیا بۆ ھەر ماڵێکی دانیشتووی تەلار ستی داوە، ئێستاش ھاووڵاتییان خەریکی مامەڵەکردنن بۆ ئەوەی ھاوبەش بکەنەوە و پێوەر ببەستن، ئێمەش ھەوڵ دەدەین ھەموویان ھاوبەش بکەنەوە و پێوەر ببەستن“.

ئاماژەی بۆ ئەوەش کرد: ”ھەرچەندە بەرنامەی ئێمە ئەوەیە کە سەرجەم ماڵەکان بەیەکەوە کارەبایان پێ بدەین، بەڵام ئەگەر بزانین کردنەوەی ھاوبەش و بەستنی پێوەری کارەبا دوا دەکەوێت، ئەوا کارەبا بەو کەسانە دەدرێت، کە پێوەریان بەستووە و ھاوبەشان کردووەتەوە، ھەوڵیش دەدەین کارەکە زۆر نەخایەنێت“.

لەبارەی ئەوەی ئەگەری ھەیەپێش جەژنی قوربان کارەبای نیشتمانی بە دانیشتوانی تەلار ستی بدرێت؟، حوسێن حەمەد گوتی: ”ئەوە دەوەستێتە سەر بەدواداچوونی ھاووڵاتییان و کۆمپانیاکە بۆ بابەتەکە، تا مامەڵەکانیان زوو تەواو بکەن، ئێمەش حەز دەکەین بە زووترین کات کارەبایان پێ بدەین“.








باسنيوز