وەک میدیایین عیراقی و ژیوارێ نها د مەیدانا سیاسی یا عیراقێ دا دهێتە دیتن کیشەیێن عیراقێ ژی بەرەڤ کویرتر ڤە د چن،و چاڤدیرەکی سیاسەتا عیراقێ ژی دبێژیت:'' عیراق چەند بەرەڤ هەلبژارتنان بچیت ئاریشەیێن عیراقێ کویرتر لێ دهێن و عەبادی و مالکی بووینە دوو جەمسەرێن دژی ئێک.

بریارە ل ١٢-٥-٢٠١٨ـێ هەلبژارتنێن پەرلەمانی عیراقێ بهێنە ئەنجامدان و هەیا نها ناڤمالیا شیعەیان ژی پرت و بەڵاڤ بوویە و ئاریشەیێن عیراقێ ژی بەرەڤ کویراتیێ دچن، دڤی بیاڤی دا ژی(عەدنان ڕێکانی)، بۆ ماڵپەرێ فەرمیی یێ پارتی دیموکراتی کوردستان گۆت، ب دیتنا من دناڤخوه‌یا سیاسه‌تا عیراقێ دا بتایبه‌تى لایه‌نى شیعى وه‌ك چه‌مكێ ده‌ستهەڵاتا عیراقێ كێشێن مه‌زن دناڤدا هه‌نه‌، نه‌خاسمه‌ چه‌ند نێزیكى ده‌مێ هه‌لبژاتنان دبیت، ئه‌و كێشه‌ پتر دهێنه‌ پێش و كوویر تر دبن دناڤبه‌را وان ئالیێن سیاسى دا، و پشتى نه‌مانا هه‌ڤپه‌یمانیا شیعى، هه‌ر چه‌نده‌ ئه‌مریكا وه‌ك ئه‌كته‌ره‌كێ لاواز دڤێ كێشێ دهێته‌ به‌رچاڤكرن، به‌لێ هێشتا گره‌وا ئه‌مریكا ل سه‌ر مانا حه‌یده‌ر عبادى د ده‌ستهەلاتێ دا ب دووماهى نه‌هاتیه‌ و هه‌موو بزاڤان بۆ مانا وى بۆ خولا دووێ یا سه‌رۆك وه‌زیرێن عیراقێ دكه‌ت.

نها حەیدەر عەبادی و نووری مالکی بووینە دوو باسکێن سیاسی کو وەڵاتێن زلهێزێن جیهانێ وەک بەرگەری بۆ پێگەها خۆ ل رۆژهەلاتا ناڤین ب کاردئینن و حەیدەر عەبادی هەتا نها ژی ئەمریکا سوڕە ل وێ یەکی ل سەر دەستهەڵاتی بمینیت و لایەنێن شیعی و ئیران ژی پشتەڤانیا نووری مالکی دکەن.

دەربارەی ڤێ یەکێ ژی، ''ڕێکانی''گۆت:'' ژئالیێ دیتر ڤه‌ وه‌لاتێ ئیرانێ خودانا ده‌ستهه‌لاتا راسته‌قینه‌یا عیراقێ بۆ مومكرنا پێگه‌هێ خوه‌ ل عیراقێ پێلان دژوار بۆ ئه‌مریكا و حه‌یده‌ر عه‌باد ژى ددانیت، چونكى ئێكه‌م پێنگاڤا بۆ دژاتیا عه‌بادى ژناڤبرنا پێكئینانا لیستا بناڤێ ( ئه‌نه‌سر ) بوو، كو حه‌شدا شه‌عبى و هه‌موو ئالیێن دیتر خوه‌ژێ ڤه‌كێشان و عه‌بادى هێلان بتنێ هه‌تا (سروه‌ عه‌بدالواحد) ژى خوه‌ ڤه‌كێشایه‌ كو دووماهى كه‌س بوو ماسكێ وێ لیستێ پێ بریقه‌دار ببیت، ئه‌ڤه‌ هه‌موو پیلانێن ئیرانێ بوون بۆ ژناڤبرنا سه‌نگا عه‌بادى و سڤككرنا وى دچاڤێن جه‌ماه‌رێ وى دا، پشتى خوه‌ وه‌ك په‌هله‌وانێ عیراقێ د شه‌رێ داعشێ دایه‌ دایه‌ نیاسین، به‌لێ ئیرانێ ئه‌و چه‌نده‌ بو نه‌هێلان، و هه‌ر بزاڤان دكه‌ت وى ژناڤ ببه‌ن.

شارەزایێن سیاسی ئەو یەکە ژی دیارکرینە. دوور نینە ئەڤ هەلبژارتنە شەرەکی شیعی دروست بیت. و دبێژن ل سەر پرسا سەرۆکێ وەزیران پێگەهێ شیعەیان جارەکا دی بێ هێز ببیتە ڤە.ناڤهاتی دیارکر، ب دیتنا من پشتى هه‌لبژارتنان دێ سێ هه‌ڤپه‌یمانێن هه‌ڤڕك و دژوار هه‌مبه‌رى عه‌بادى راوه‌ستن، ئه‌و ژى ده‌وله‌تا قانوونێ ب سه‌رۆكاتیا نورى مالكى و سه‌ركردێ حه‌شدا شه‌عبى هادى عامرى كو زه‌لامێ ئیرانێ دڤێت پۆستێ سه‌رۆك وه‌زیران وه‌ربگریت، و زێده‌بارى ئیتیلافا حه‌نان فه‌تلاوى یه‌، ئه‌ڤه‌ هه‌كه‌ حه‌یده‌ر عه‌بادى گوهداریا ئیرانێ نه‌كه‌ت، یان ژى دڤێت ئه‌و لیستێن مه‌ گۆتین هه‌ڤپه‌یمانیا شیعان یا نوو دروست بكه‌ن ل ژێر فه‌مانا ئیرانێ بن.
kdp-