بەڕێوەبەرایەتیی تەندروستیی گشتیی ڕاپەڕین ئاشکرای دەکات، بە مەبەستی ڕێگریکردن لە بڵاوبوونەوە و بازرگانیكردن لە مادە هۆشبەرەكان، ئەمڕۆ لەلایەن لێژنەی چاودێریی تەندروستیی ڕاپەڕین و یاریدەدەرێتیی ئاسایشی قەڵادزێ‌ و توانرا بڕی بیست و شەش هەزار و حەوت سەد پارچە حەبی هۆشبەر (ئەكتی مۆكس) و شەش كیلۆ غرام حەبی فەل كراوی هۆشبەر لەناو ببرێت.

محەمەد فازڵ، گوتەبێژی ئاسایشی ڕاپەڕین رايگەیاند: "دەرمانەکان دوای دەست بەسەرداگرتنیان لە نەخۆشخانەی گشتیی قەڵادزێ‌ بە كوورەی تایبەت بە لەناوبردن و پێنچ دەزگای فەلكردنی حەب، هاوکات هاووڵاتییەك لەسەر هەمان مادە و كەلوپەل بەناوی (ع.م.ح ) لەلایەن دادگاوە بە ( 6 ساڵ) زیندان سزا دراوە".

گوتیشی: "لە چالاكییەكی دیكەی یاریدەدەرێتیی ئاسایشی قەڵادزێ‌ ( 12 كــارتۆن حـــەبی ترامادۆڵ ) كە دەكاتە( 240000)دوو سەد و چل هەزار دەنكە حەب لەناو بران و تاوانبارێ بەناوی ( س.ب.س ) لەسەر هەمان بڕ لەلایەن دادگاوە بە (5 ساڵ) زیندان سزا دراوە".











باسنيوز