گوتەبێژی حکوومەتی ھەرێمی کوردستان، بەبۆنەی ھاتنی مانگی رەمەزانەوە، پەیامێکی بڵاو کردەوە و تێدا ئاماژە بەوە دەدات کە لەو مانگەدا یەک کاتژمێر دەوامی فەرمی لە فەرمانگەکان کەم دەبێتەوە.

ئەمڕۆ ھەینی 26/5/2017، سەفین موحسین دزەیی گوتەبێژی فەرمیی حکوومەتی ھەرێمی کوردستان، بە بۆنەی ھاتنی مانگی رەمەزان، لە پەیامێکدا رای دەگەیەنێت: "بە بۆنەی ھاتنەوەی مانگی ڕەمەزانی پیرۆزەوە، پیرۆزباییەکی گەرم لە خانەوادەی شەھیدان و پێشمەرگە قارەمانەکانی کوردستان و ھەموو موسڵمانان لە ھەرێمی کوردستان وعیراق و جیھان دەکەین، بەو ھیوایەی ئەو مانگە ببێتە دەرفەتێک بۆ پتەوترکردنی گیانی تەبایی و برایەتی و پێکەوەژیان و چارەسەرکردنی گرفتەکانمان".

لە پەیامەکەدا، گوتەبێژی حکوومەت، لەبارەی دەوامی فەرمیی فەرمانگەکانەوە، ئەوەی خستوەتەڕوو: "بەم بۆنەیەشەوە رایدەگەیەنین، دەوامی فەرمی لە فەرمانگەکانی حکوومەتی ھەرێمی کوردستان بۆ ماوەی یەک کاتژمێر کەم دەکرێتەوە، واتا لە کاتیژمێر 9 ی بەیانیەوە تا 3 ی دوای نیوەڕۆ دەبێت".













باسنيوز