گوتەبێژی بەڕێوەبەرایەتیی پۆلیسی ھاتوچۆی ھەولێر ڕای دەگەیەنێت، کە بە مەبەستی کەمکردنەوەی قەرەباڵغی شەقامەکان یەکێک لە چوارڕێیانەکان لەسەر شەقامی 100 مەتری دادەخرێت.

ڕاید فازڵ حاجی، گوتەبێژی بەڕێوەبەرایەتیی پۆلیسی ھاتوچۆی ھەولێر ڕایگەیاند: "بە مەبەستی کەمکردنەوەی قەرەباڵغی شەقامەکانی ناو شار، ئێستا دەست بە ڕێکخستنەوەی شەقامەکان کراوە، ئەویش بە داخستنی یوتێرن، چوارڕێیانەکان و لابردنی ترافیکلایتەکان".

گوتیشی: "ئێستا پلانمان بۆ داخستنی چوارڕێیانی بەنزینخانەی ئاکار لەسەر شەقامی 100 مەتری ھەیە، خوێندنەوەی بۆ دەکەین، بۆ ئەوەی بزانین بە چ شێوازیک ترافیکلایتەکەی لابدەین و ئەو قەرەباڵغییە نەھێڵین".











باسنیوز