سەرۆکی ئەنجومەنی سەرکردایەتیی کەرکووک - گەرمیانی پارتی دیموکراتیی کوردستان، با لەوە دەکات ئەوان واز لە کەیسی تیرۆرکردنی کادیرێکی پێشووکەوتوویان لە کەرکووک ناھێنن و دەبێت ئەنجامدەرانی ئەو تاوانە دەستگیر بکرێن.



سەڵاح دەلۆ، سەرۆکی ئەنجومەنی سەرکردایەتیی پارتی دیموکراتی کوردستان لە کەرکوک _گەرمیان، راگەیاند: "دوای تیرۆرکردنی محەمەد یونس، کادیری پێشکەوتووی پارتی دیمورکاتیی کوردستان، دوو لێژنە پێکھێنراون، یەکێکیان لەبەغداوە و دووەمیان لە کەرکووکە، لێکۆڵینەوەش بەردەوامە و رەنگە لە داھاتووش ناوی ئەوانە بدرێتە دەزگا پەیوەندیدارەکان، ئێمە لەو کەیسە خۆش نابین''.



سەرۆکی ئەنجومەنی سەرکردایەتیی پارتی لە کەرکووک: ئەوەشی روون کردەوە: "ناوی ئەوکەسانەی داواکراون، ڕادەستی پارێزگار کراون، بۆ ئەوەی ئەویش ڕادەستی پۆلیسی بکات و فەرمانی دەستگیرکردن بۆ ئەوکەسانە دەربکەن و دەستگیریان بکەن، ئینجا ئەنجامی لێکۆڵینەوەکان ئاشکرا دەبن''.



کاتژمێر 8ی بەیانیی ڕۆژی 2/5/2017، لەنێو ئۆتۆمبێلێکی جۆری (BMW)، تەقە لە محەمەد یونس، جێگری بەڕێوەبەری کۆمپانیای غازی باکوور کرا کە هاوکات کادیرێکی پێشکەوتووی پارتی دیموکراتیی کوردستان بووە، بەو هۆیەشەوە خۆی و پاسەوانەکەی لە شوێنی ڕووداوەکە گیانیان لەدەست دا.

bas news-