ئەنجوومەنی پارێزگای موسڵ داوا لە ئەمەریكا دەكات پەكەكە شنگاڵ چۆل بكات
سەیدو چەتۆ، سەرۆكێ كوتلا برایەتی و پێكڤە ژیانێ ل جڤاتا پارێزگەها مووسلێ دیاركر جڤاتا مووسلێ ب فەرمی داخواز ژ ئەمریكا و حوكمەتا عیراقێ كر پەكەكێ ژ شنگال دەربێخن چونكو پەكەكە رۆژ دووڤ رۆژی یا ئالوزیان ل دەڤەرا شنگال دروست دكەت. هەلبەت پەكەكە كار دكەت شنگال سەر هەرێما كوردستانێ ڤە نەبیت ژبەر ڤێ چەندێ ئالوزیان ناڤبەرا خەلكێ شنگالێ دا چێدكەت، هەكە پەكەكە ل شنگال بمینت نە دوورە ئاریشێن مەزنتر ل دەڤەری شنگالێ رووبدەن.
سەیدو چەتۆ خۆیا ژی كر سەرۆك هوزەیێن شنگال دگەل جڤاتا مووسلێ و لایەنێن پەێوەندار ب فەرمی داخواز كرینە پەكەكە شنگال چوول بكەت چونكو شنگال جهێ پەكەكێ نێنە لەورا تاوانان ئەنجام دەت، تیرۆركرنا فەرمانبەر وەیسی عبداللە و عبدالمناف تەها هەردوو فەرمانبەرێن رێڤەبەریا رێك وپران ل چیای شنگال خەلكێ شنگال زۆر دلگران بووینە چونكو هەردوو فەرمانبەران خزمەتا شنگال دكرن.
گۆتژی:" گومان هەیە پەكەكێ فەرمانبەر تیرۆركربن بتنێ دا فتنەیان ل شنگال دروست بكەت. ئەڤە ژی جهێ قبوول كرنێ نینە. نابیت چوو لایەنێن سیاسی فتنەیان ل شنگال دروست بكەن. پێدڤیە هەموو رێزێ بریارا خەلكێ شنگالێ بگرن لایەنێن نە قانوونی شنگال چوول بكەن".
باسنيوز
